Շիրակի միջնակարգ դպրոցը ծխական դպրոց է եղել մինչև 1926թ., 1927թ. դարձել է հիմնական դպրոց, 1964թ.՝ միջնակարգ դպրոց։ 1988թ. փլվել է երկհարկանի շենքը, և դասապրոցեսը շարունակվել է վրաններում, այնուհետև ժամանակավոր տնակներում։

2002թ. պետական բյուջեի միջոցներով շահագործման է հանձնվել դպրոցի 1.5 հարկանի նոր շենքը՝ 345 աշակերտ թվի հզորությամբ։

Ուսումնական հաստատությունն ունի 1,43 հա տարածք, որից 2444,86քմ. շենքի տարածքն է, որը գրանցված է անշարժ գույքի սեփականության վկայագրում/N2756514/։

Դպրոցն աշխատում է միահերթ, 5-օրյա աշխատանքային ռեժիմով։

ՀՀ Շիրակի մարզպետի 10.05.2019թ.-ի 186-Ա որոշմամբ հաստատվել է դպրոցի կանոնադրությունը։ Դպրոցն ունի իր ինքնուրույն հաշվեկշիռը և գանձապետական հաշիվը, ունի կնիք, դպրոցական կայք։